اصحاب هوكس


    حبيبك سابك ؟؟ ... مين قال ان دي نهاية العالم !!!!!

    شاطر
    avatar
    دوللى
    المشرف العام
    المشرف العام

    عدد الرسائل : 369
    العمر : 22
    نقاط : 4530
    السٌّمعَة : 1
    تاريخ التسجيل : 07/04/2008

    حبيبك سابك ؟؟ ... مين قال ان دي نهاية العالم !!!!!

    مُساهمة من طرف دوللى في الإثنين 13 سبتمبر 2010, 12:03 am

    شايف الدنيا سودة , فاقد الثقة في كل الناس , حاسس ان مفيش حاجة اسمها حب , محدش حاسس بيك ؟! لأ مين قالك ان محدش حاسس بيك و بالتناقضات اللي بتقول ان مينفعش تحكيها لأن محدش هيفهمها , طب اقولك شوية منهم عشان تصدق ؟ رغبتك في انك تصرخ و تلاقي حضن تبكي جواه .. و مع ذلك ساعات تقول لنفسك انها مش فارقة معاك ؟ لما تبقى عايز تبقى وسط ناس كتير و بتتكلم في مليون موضوع عشان تهرب من انك تفكر بس بردو تبقى ساعات عايز تبقى لوحدك فالدنيا كلها ساكت و الدنيا كمان ساكتة ؟ لما تبقى هتموت و تشوفه ووحشك و نفسك تسمع كلمة منه مع انك ساعات بتبقى حاسس انك بتكره اليوم اللي حبيته فيه و مش طايق تسمع اسمه حتى ؟ طيب فاكر لما كنت قاعد و سرحان و افتكرت موقف او كلمة جميلة منه و بعدها الدموع اللي نزلت لما افتكرت اللي عمله ؟ اول مرة سمعت فيها كلمة بحبك و آخر مرة سمعتها فيها بردو ؟ يوم ما وعدك انه عمره ما هيبعد عنك ولا يقدر يعيش من غيرك و يوم مقالك مبقاش ينفع مع السلامة ؟ انا مش جاية اقلب عليك المواجع , انا بس بقولك انك مش لوحدك مريت بكده , مكسوف انك تحكي ؟ خايف يقولوا انك مجنون ولا انك ضعيف ؟ محدش هيقول حاجة , انت لما تحكي هترتاح اوي اوي , غريبة اوي ان المجروح هو اللي يتكسف !!!! هي الدنيا اتقلب حالها و المجني عليه دلوقت هو الغلطان ؟؟!!!!
    اكيد في حواليك اصدقاء و اهل , اكيد فيهم عالأقل واحد بيحبك من قلبه ده ان مكنش اكتر طبعآ , احكي و اتكلم و قول كل اللي حاسس بيه لو لقيت نفسك عايز تعيط متتكسفش و عيط , الكلام بيريح اوي , ومش هطمع و اقولك حد ياخدك فحضنه لأن الأحضان الحقيقية دلوقت بقت قليلة اوي بس اتكلم . اه هو مش هيحل حاجة , لكن هتحس انك مش لوحدك و ان في حد حاسس بيك, هيخليك تصالح الدنيا تاني , ترجع تشوفها حلوة تاني , اخرج مع ناس بتحب الضحك و الهزار – بلاش النكديين الله يخليك – حاول متديش نفسك فرصة انك تسرح كتير فالجرح اللي سابه اللي كان حبيبك .

    كل جرح ليه مراحل : الصدمة بتاعة اول لحظات , و بعدها فترة انكار و رفض للي حصل و اعتباره كابوس , و بعدين مواجهة الواقع – و دي اصعب فترة – و بعدها تقبل الواقع و متابعة الحياة – و دي اجمل فترة - . و انا كل اللي بقوله عن الفضفضة و محاولة الخروج من الجو الكئيب للضحك مش علاج للجرح ده و إلا ابقى بضحك عليك الدوا الحقيقي هو المن و على رأي ام كلثوم " والزمن بينسي حزن و فرح ياما " , لكن هو مسكنات لحد متوصل لآخر مرحلة و تتقبل حياتك و تتصالح مع نفسك و تقدر تسامح حبيبك عاللي عمله معاك و مش قصدي انك ترجع علاقتك بيه لو اتقطعت لكن انك تسامحه بينك و بين نفسك , تتمناله الخير و تتمناه ليك انت كمان , اكيد في حب مستنيك , يمكن يكون هو هو نفس الشخص و يمكن يكون حد غيره , كفاية انك حسيت معاه بالحب , الحب اللي في ناس بتعيش و تموت و هي متعرفوش , دانتا كمان تشكره انه كان السبب في انك حسيت ده .
    لكن الأهم انك ترجع تحب نفسك تاني لأنها تتحب .. لأنها عرفت تحب .. اوعى تدى مجال للأفكار السلبية انها تكرهك في نفسك و فالناس و اولهم اللي حبيته و سابك و تخليك كمان عايز تنتقم .. لو وصلت لكده اعرف انك اصلآ مكنتش بتحب انت بس كنت حاسس انه بتاعك و ملكك و اتاخد منك .. و ساعتها يبقى انت فعلآ متستاهلش الحب ده . اذا كنت مش قادر تحب نفسك و تحب الناس يبقى عمرك محبيت ولا هتحب حد .
    آخر حاجة عايزة اقولهالك ومن غير فلسفة : القلب اللي بيحب بجد ميعرفش يكره , لا يكره نفسه ولا غيره و خصوصا اللي حبه



    url=http://www.0zz0.com][/url]
    avatar
    EnGiNeeR
    المدير العام
    CoNtRoL EnGiNeeR
    المدير العام   CoNtRoL EnGiNeeR

    عدد الرسائل : 3190
    العمر : 28
    العمل/الترفيه : طالب فى كلية الهندسة
    نقاط : 8715
    السٌّمعَة : 101
    تاريخ التسجيل : 27/02/2008

    رد: حبيبك سابك ؟؟ ... مين قال ان دي نهاية العالم !!!!!

    مُساهمة من طرف EnGiNeeR في الإثنين 13 سبتمبر 2010, 2:34 pm

    ghghgh






    avatar
    rashboyrashboy
    مشرف
    مشرف

    عدد الرسائل : 665
    العمر : 27
    الموقع : http://www.brothersoft.com/
    العمل/الترفيه : طالب فى كلية الحقوق
    نقاط : 4676
    السٌّمعَة : 3
    تاريخ التسجيل : 12/08/2009

    رد: حبيبك سابك ؟؟ ... مين قال ان دي نهاية العالم !!!!!

    مُساهمة من طرف rashboyrashboy في الأحد 19 سبتمبر 2010, 12:33 pm


      الوقت/التاريخ الآن هو الأربعاء 16 يناير 2019, 10:52 am