كيف الحال اخواني واخواتي ؟؟

فكرت فالموضوع من كم يوم وحاولت ارتب افكاري

الموضوع يدور حول .. حالة الناس فالسفر

ليس لأني مسافر كتبت الموضوع .. بس من زمان هالموضوع فخاطري اقوله [ندعوك للتسجيل في المنتدى أو التعريف بنفسك لمعاينة هذه الصورة]


اول شي دور بنات الخليج .. محد يزعل مني يا صبايا [ندعوك للتسجيل في المنتدى أو التعريف بنفسك لمعاينة هذه الصورة]

نشوف البنات شو حلوهم وهم محتشمات ومتحجبات فالخليج

لكن بعد الطيارة .. البعض منهم تبد تنزل الحجاب وتغير اللبس

وبعد ما يصلون للبلد المراد اليه ..

يكون شكلهم غير .. وعلى كلامهم حرية .. نحنا مسافرين ومحد يعرفنا

للاسف والله انك تشوف حالة البنات خارج بلادهم بطريقة غريبة عجيبة

لا شيلة ولا عباءة ولا حجاب .. واللبس فيه اغراء ويبين مفاتن اجسامهم .. والله قهر

ورائحة العطر على بعد كيلو متر تقدر تشمها .. هذي تعبتر زاينة اذا مرت بالقرب من رجال

بعدني اكرر واقول البعض .. لكن هالشي موجود وبزيادة

الحين اي شخص غريب يشوفهم يرسم فكرة ثانية عن البنات الخليجيات .. انا مركز على بنات الخليج اكثر فالموضوع

وللاسف كل شي يعملونه ما يفكرون فشي .. الله يهديهم

السؤال ::

شو وجهة نظركم انتو يا بنات قبل الشباب في الكلام هذا ؟؟ واذا كان في خطأ فالتعليق قولولنا الصح ؟؟

وما هي المقترحات اللي ممكن ان تقلل من هذي المظاهر ؟؟


والحين دورنا شباب الخيج .. الله يهديهم الشباب اللي يدرسون فالخارج قبل غيرهم

طبعا انا اتكلم عن فئة من الشباب وليس الكل

الشرب اصبح عندهم عادي ولا كأنه حرام .. والحجة لانه لاحسيب ولا رقيب

الديسكوات والمراقص والخرابيط يروحون ويسهرون فيها .. الله يهديهم

وبالنسبة لطريقة ملابسهم ومظهرهم الخارجي .. بذخ وترف فاحش

مع التفاخر بأرقى انواع السيارات والماركات .. هالكلام ينطبق على اللي فأروربا

على كل هالتكبر والترف .. مرات تحصل ما معه للبنزين ولا حتى للأكل

بعد اللي اعرفه الله يستر عليهم .. يروحون هناك لشغل الدعارة وغيره من بنات واولاد

على كلامهم .. انها شغل .. لكن حرمت عليهم عيشتهم اذا هذا تفكيرهم وتركوا كل الارزاق وراحوا للحرام

السؤال ::

شو رايكم يا شباب فاللي قلتله ؟؟ وما هي نصائحكم ومقترحاتكم للموضوع ؟؟


هالشي انا اشوفه واعرفه فكثير من الشباب الدراسين والسائحين .. يعني محد ينكر كلامي

ارجو اخذ الموضوع بجدية .. احترم الاراء جميعا

الموضوع للجدية وليس للاستهتار والردود السخيفة مثل

مشكوور على الموضوع

رجاء الموضوع يحتاج الى وقفة وتفكير

ولا ننسى انه هؤلاء الفئة من الناس موجودين بينا

ومن خلال مناقشتكم للموضوع هذا

ممكن تقل هالامور .. انا اقول هالناس ناقصنهم التذكير والتوجيه

مع السلامة .. ادري الموضوع شوي طويل ولكن يستاهل وقفتكم فيه

(بقلم اخوكم( الصقر الجارح