سلام عليكووووووووو بناء على رغبة الجماهيير انا قررت ياجماعة انى انقلكو خبراتى فى مجال الشبكات خلال السنين الطويلة الماضية من خلال رسايل مصورة توضح ازاى تكون مهندس شبكات فت والنهاردة ان شاء الله هنبتدى اول درس
اول خطوة عشان تكون مهندس شبكات شاطر لازمن ولابد والدتك تكون راضية [ندعوك للتسجيل في المنتدى أو التعريف بنفسك لمعاينة هذه الصورة]
.اكييد هتسال وتقولى وانا اعرف ازاى انها راضية عنى اقولك
اسهل واسرع طريقة انك تعمل عليها امر(بنج)او بمعنى تانى بووس ايديها يااخى والله لقيت فية(ربلاى)يعنى دعتلك دعوة حلوة مثلا روح يابنى ربنا يكفيك شر الهاكرز وبتوع النت كت تبقى كدة راضية وتبقى بايضالك فى القفص ولا قفص ايية دى تبقى بايضالك فى السيرفر ياريس
والله عملت (بنج)ولقيتها منفضالك( تيم ريكويست اوت) تبقى وقعتك بلاااك.اتصرف اعمل اى حاجة شوف باث تانى ان شالله تقف على دماغك طول مهية مش راضية عنك مفيش امر بنج هيتم على خيير دايما هتلاقى فية دروب فى السيرفر.اقعد ادعى ليل نهار لحد مترضى عليك
[ندعوك للتسجيل في المنتدى أو التعريف بنفسك لمعاينة هذه الصورة]
رضيت يبقى انت جاهز للخطوة اللى بعد كدة
لازم وانت داخل اى شبكة تكوون هادى وكووول لو اللى معاك حسو انك متوتر هتاخد على قفاك للصبح ولازم تعرف انك داخل شبكة مش مركز شباب يعنى ممكن امر بنج طايش كدة ولا كدة يوديك ورا الشمس
رووق خالص
[ندعوك للتسجيل في المنتدى أو التعريف بنفسك لمعاينة هذه الصورة]
ادخل كانك ولا فى دماغك وافتح كل الشبابيك والابواب اللى حواليك انت هتحتاج الهوااا
[ندعوك للتسجيل في المنتدى أو التعريف بنفسك لمعاينة هذه الصورة]
لو بترتاح بكباية شاى ولا حاجة ولا حتى جنزبييل اشرب ولا يهمك بس ابعد عن الكركدية عشان حرف الكاف بيعمل مشاكل فى الشبكة
[ندعوك للتسجيل في المنتدى أو التعريف بنفسك لمعاينة هذه الصورة]
خلاص ياعمى فهمت بلاش توتر ابوس ايدك
[ندعوك للتسجيل في المنتدى أو التعريف بنفسك لمعاينة هذه الصورة]
لحد دلوقتى انا موعدكش بحاجة احنا داخليين شبكة واى حاجة متوقعة عالعموم قول يارب
من اهم النصايح يابنى حط عنيك فى وسط راسك اياك تغفل ثانية ولا حتى لحظة ولا تشوف النوم طول منتى جوة شبكة
[ندعوك للتسجيل في المنتدى أو التعريف بنفسك لمعاينة هذه الصورة]
ممكن وانت فى تعسيلة كدة الاى بى بتاعك يتشال فى ثانية فصحصح كدة معايا خلى الشبتر دة يعدى على خيييراحنا فى زمن مايعلم بية الا ربنا
دة انا كان لية واحد صاحبى كان فى شبكة(بير تو بير)طبعا هتفتكرنى بشتغلك هو دة اللى حصل الولا كان لسة جديد وميعرفش ان الشبكة دى مبيدخلهاش الا العيال المستبيعة اللى قلبها ميت.
والواد ياعينى كان لسة خاام مش مخربش زييى يعنى ميعرفش يثبت المااك ولا بتاع
المهم صاحبى دخل من هنا ومش مدى خوانة هوباااا ياريس اتعمل علية نت كت وهوبااااا الاى بى بتاعة كان فى خبر كان .بعدها الواد ياعينى مقدرش يستحمل نظراات الناس وللاسف دة كان مصيرة
[ندعوك للتسجيل في المنتدى أو التعريف بنفسك لمعاينة هذه الصورة]
فركز معايا يابن الناس عشان نروح بيوتنا على خيير
وحاجة تانية الناس مبتخدش بالها منها خد بالك م الناس اللى حواليك دلوقتى يابنى الحاجات دى مبتجيش الا م القريب .تبقوا عشرة وعيش وملح مع بعض والولا يطمع فى الاى بى بتاعك
اوعى تكون اتخضييت انت معايا يعنى بعون الله مفيش حد يقدر يفكر بس افرض انت مش معايا تعمل اية؟
[ندعوك للتسجيل في المنتدى أو التعريف بنفسك لمعاينة هذه الصورة]
ايوة اعمل كدة متستغربش هتقولى وشكلى ياعم ادام الناس وبتاع .طب ابقى خلى شكلك ادام الناس ينفعك بقى ياحلو لما هوباااا تلاقى الاى بى بتاعك ذهب مع الريح
ولو ركزنا فى الصورة هتلاقى الواد اللى جنبة بيحاول يضرب بعينة من تحت البطانية عشان يلمح الاى بى هتقولى ياعم مبيبصش هقولك دلوقتى مبيبصش كمان شوية هيبص انا عارف الاشكال دى كويس النفوس بتتغير من ثانية للتانية وبعدين دة اى بى مش قرطاس لب يعنى ممكن اخوك نفسة يضرب الاى بى بتاعك فى جيبة وانت ولا هنا
درس النهاردة م الاخر بيتلخص فى انك لو عاوز تبعت رسالة لحد ومستعجل لاااازم ترااعى حاجتيين يازعيم الاولى(السكيوريتى)يعنى الامان يعنى لازم تبعتها متشفرة مقفولة
[ندعوك للتسجيل في المنتدى أو التعريف بنفسك لمعاينة هذه الصورة]
بالظبط كدة اقفل على رسالتك انت متضمنش حد يقابلها فى السلك كدة ولا كدة ويفتحها قوة واقتدارا فلو قابلها فهى متشفرة باة يبقى يبلها ويشرب كهربتها
تانى حاجة يانجم السرعة فى الاداء انا عايزك زى النحلة جوة الشبكة رسالتك زى الصاروخ ابو ربع جنيية محدش يقف قصادهاهتقولى باة احنا فى (توكن رينج) وفية طابوور ونظام طب انا راضى ضمييرك واحد يبقى خارج من تحت ايدى رسالتة تقف طابوور كدة
[ندعوك للتسجيل في المنتدى أو التعريف بنفسك لمعاينة هذه الصورة]
ولارسالتك تتزاحم مع الرسالة اللى تسوى والرسالة اللى متسواش كدة
[ندعوك للتسجيل في المنتدى أو التعريف بنفسك لمعاينة هذه الصورة]
ناقص بأة تقولى ياعم خلى اى حد ابن حلال ياخدها قدامة
[ندعوك للتسجيل في المنتدى أو التعريف بنفسك لمعاينة هذه الصورة]
لا يابابا مش احنا اللى رسايلنا تتشعبط وتتبهدل احنا رسايلنا بنت ناس ومش حمل شحططة
م الاخر لازم تعرف انك فى زمن الوحوش والهاكرز مبيرحموش جمد قلبك احنا مبنتهددش
خدها بالدراع ايوة اسال مجرب انا بعون الله مفيش شبكة بدخلها الا لما يتعمل عليا نت كت بس ولا يهمنى احاول تانى وتالت خليك اوبتيمستك يعنى متفائل والله غلب حمارك والعيال مستقوية عليك وكان حد فيهم بيروح الجييم يبقى ابعت رسالتك مع اى حد رايح الديستيناشن بتاعك بس الفرق انك هتختار مكان مناسب يعنى الرسالة تبقى قاعدة مرتاحة ومناخيرها فى السما قليطة يعنى
[ندعوك للتسجيل في المنتدى أو التعريف بنفسك لمعاينة هذه الصورة]
شفت الرسالة مرتاحة وعالاقل بتشم هوا مش تتزاحم مع الرسايل التانية دة يااخى رسايل اليومين دول مايعلم بيهم الا ربنا دة احنا مكناش رسايل واحنا صغيرين
وصلت الرسالة بالسلامة غنيلها بقة سالمة ياسلامة وارقص ياعم مين قدك
[ندعوك للتسجيل في المنتدى أو التعريف بنفسك لمعاينة هذه الصورة]
بس ابقى افتكرنى ساعتها
لا قدر الله قابلتها لجنة ولا حاجة وموصلتش اياك اياك
[ندعوك للتسجيل في المنتدى أو التعريف بنفسك لمعاينة هذه الصورة]
مش احنا مش احنا اللى نعمل كدة
ولا احنا برضة اللى نعمل كدة هو مفيش سمعان كلاااام ولا اية
[ندعوك للتسجيل في المنتدى أو التعريف بنفسك لمعاينة هذه الصورة]
الرسايل كتييير يابابا بس فين النت. وبعدين اعمل حسابك ان دى لسة اول حصة يعنى كى جى ون اتقل بس بعد كاام حصة هتمشى تهكر عالناس فى الشارع بس كلة باوانة
اخر حاجة المرة الجاية لو جيت ولقيتكو مش مذاكريين والله
[ندعوك للتسجيل في المنتدى أو التعريف بنفسك لمعاينة هذه الصورة]
اعلقك انا معنديش هزار وزى ماقلت احنا فى شبكة يعنى ممكن تدخل تخرج من غير الاى بى واهلك بقة ييجو ويعملو هيصة وبتاع انا مفييش دماغ فذاكر م الاول
تذاكر تبقى حبيبى وكفاءة
[ندعوك للتسجيل في المنتدى أو التعريف بنفسك لمعاينة هذه الصورة]
فى الاخر يارب تكونو استفادتو وفهمتو حاجة واشوفكو الحصة الجاية ان شاء الله
[ندعوك للتسجيل في المنتدى أو التعريف بنفسك لمعاينة هذه الصورة]
سلام عليكووووووووووووو

ماتقوليش على المهندسين يامهندس

ربنا يكون فى عونهم ويصبرهم على مابلاهم

موضوع جميل يابراف هارت

شكرا على النصايح

الحمد لله انى مش مهندسة شبكات زى دول