Hitskin.com
 آخر نكتة الزمالك نادى الأرن او القرع لا ادرى | |
كنت احاول اعداد مقال صغير عن الفرق بين صفات الاهلوية و الزماليك اللى هيه جمع زملوك و بدأت اعمل مسودة صغيرة فالزملوك مكابر مجادل وفى بعض الاحيان وليس كلهم بصراحة ممكن ان تصل معه الحالة ان يكون كاذب من اجل ان ينتصر بأى وسيلة احيانا سباب شتام لانه ضعيف قليل العدد و لا يستطيع التعبير عن رأيه الا فيما ندر بسبب احاطة الاهلوية له من كل اتجاه و هو ما توفره له مواقع الانترنت بحريتها و كذلك ان يرسل اس ام اس لمحطة تليفزيون. و هو طول عمره عنده عقدة الاضطهاد و كدت استرسل فى الكتابة و ضرب الامثلة و ما شابه و تجميع الادلة على صحة ما اقول حتى فوجئت بأحد المواقع يعلن ان نادى الزمالك سوف يعيد فتح ملف نادى القرن و تعجبت !!! ماذا استجد حتى يفتح الملف من جديد !!! هل هى حيلة او ما شابه لتفويت شىء او تمرير شىء !!! المهم يفوتوا يمرروا يضحكوا على جماهيرهم هذه كلها اشياء لا تخصنى فى شىء و ضحكت فى سرى و ماله !!! المهم بعدها بيومين خرج علينا احد الاعلاميين الزملكاوية ( طارق رشوان ) و ليس رضوان و هى من الرشوة فى تليفزيون النيل للرياضة الحكومى ليتصل بأحد المسئولين عن الاتحاد الدولى للاحصاء الذى قال ان موقعه ( و هو ليس اتحاد ولا غيره هو مجرد موقع على الانترنت و مأجرين شقة جنب الفيفا و ممكن جنب فيفى عبده ) قد اختار الزمالك بالفعل نادى القرن ماشى يا عم مش مشكلة لتخرج علينا الزغاريد و الاهازيج بأنه لا يضيع حق وراءه مطالب على حسب وصف موقع الزمالك الرسمى. و اديها تعليقات فى كل المواقع الجاهلة والمنابر الاعلامية الغبية و التى مهما اختلفنا مع جوزيه فى الاشياء الفنية او القرارات الا انى اتفق معه تماما فيما قاله عنهم من نوعية ظهر الحق و زهق الباطل و احنا نادى القرن الحقيقى و هات يا شتيمة . المهم بدأت فى اعداد هذا المقال واذا بى افاجىء ان الرجل ابوالعيون يعود ليعتذر و يتهم جماهير الزمالك و ادارته بعدم الفهم و هذا ما نشرناه فى حينها للقراءة اضغط هنا و انقل فقط شيئين لمن لن يستطيع قراءة الخبر و المقال الذى نشر فى حينها 1- ان الموقع المسمى بالاتحاد الدولى للاحصاء حسب النتائج على اساس آخر عشر سنين فقط لانه ليس لديه اى احصاءات قبل ذلك 2- ان الاتحاد الافريقى اعتمد الطريقة التى احتسب بها تصنيف الاندية منذ 17 يناير 94 و لم يغيرها قط حتى اليوم الا باضافة نقطة جديدة لبطل دورى الابطال و لم يتدخل اى من مسئوليه لتغيير اللوائح لتسير النتتيجة فى اتجاه احد طيب و ما دلائل هذه الواقعة 1- ده دليل جديد عن ان الزملوك زملوك و يبقى طول عمره زملوك لماذا ؟ اللى استلم الجايزة الله يرحمه مات من 8 سنين و ابراج التجارة وقعت بعدها فى نيويورك و صدام حسين اتشنق والعراق احتلت و حيسيبوها و افغانستان ولعوا فيها و مصر شاركت فى خمس كؤوس امم افريقية و كسبتها مرتين و الاهلى كسب الدورى خمس مرات و انتوا مرتين و امريكا رئيسها واحد زنجى من اصول مسلمة تصوروا مش كده وبس و طلع واحد اسمه ابوتريكة و واحد اسمه متعب مسحوا بيكوا الارض و اتغلبتوا 6/1 على ايد خالد بيبو و بركات والنحاس والشاطر كسبوا الدورى مع الاسماعيلى و سافروا بره و رجعوا على الاهلى و اللى راح الحرس و اللى اعتزل و اللى فتح شوارع باسمه عندكوا فى النادى و فى ميت عقبة كلها واسمه محمد بركات و فيه حاجة اسمها صفر المونديال و البلد كلها شايله المحمول و اخترعوا حاجه اسمها الوصلة عدوة التشفير كله ده حصل و الزماليك عايشين فى الوهم 2- هناك شيىء ما يدبر لنادى الزمالك لان الاخ طارق رشوان مدير الحملة الانتخابية لممدوح عباس و اربطوا انتم بقى فمن الواضح انها حملة تشويش على شيئا ما مالناش دعوة 3- كده يبقى نصدق ان ابوتريكة اشهر لاعب فى العالم و اشهر من ميسى و رونالدو و ان الاهلى اكبر شعبية فى العالم و الاحصاءات الهايفة الكثيرة التى تخص هذا الاتحاد صحيحة 4- صالح سليم الله يرحمه لما استلم شهادة او درع نادى القرن كان فى حفلة كبيرة فى حضور رئيس الاتحاد الدولى و رئيس الاتحاد الافريقى فى جنوب افريقيا ممكن الاستاذ ابو العيون يعمل حفلة فى اى حتة ويسلمكم الدرع او اى حد يديكم اى شهادة قدام اى حد محترم ده لما سلم تريكة الدرع بتاع اشهر لاعب ده سلمه له على التراك فى النادى الاهلى بتاعة خشب كده و لولا ان مواقع الاهلى نشرت الصورة التى اضحكتنى كثيرا بصراحة ما كنش حد عرف و من يومها انصرفت جماهير الاهلى الا ما ندر و كذلك مواقعه عن المشاركة او نشر اخبار منقولة عن هذا الموقع الكوميدى اللى يمكن يكبر قريب يا عالم اصحوا و بطلوا كلام فى موضوع منتهى منذ 9 سنوات فى ايه الفرح انفض من سنة 2000 !!!!! ان ما تدعونه اليوم يشبه ادعاء اليهود ببناء الاهرامات على حسب قول احد الاهلوية سؤال اخير هوه حد كان ماسك للزمالك ذلة التسع سنين اللى فاتوا دول !!!!! |
عدل سابقا من قبل dodooo في الإثنين 24 أغسطس 2009, 5:22 pm عدل 1 مرات
